سبەینێ لە خانەقین پشووی فەرمیە بەهۆی زیارەتی ئیمام موسای کازم

964+
راژان ماجید – خانەقین

سبەینێ پێنجشەممە، پشووی فەرمیە لە قەزای خانەقین و پارێزگای دیالە بە گشتی، بەهۆی بەڕێوەچوونی مەراسیمەکانی زیارەتکردنی ئیمام موسای کازم.

ئەو پشووە سەرجەم فەرمانگەکان دەگرێتەوە، جگە لە ئەو شوێنانەی تایبەتن بە خزمەتگوزاریی.

بەپێی زانیارییەکانی پەیامنێری تۆڕی 964، ئەو پشووە قوتابخانە کوردییەکان ناگرێتەوە، بەڵام ئەوانەی دەچنە زیارەت دەتوانن بۆ ماوەی چوار رۆژ پشوو وەربگرن.

بۆ زیارەتکردنی ئیمام موسای کازم، شیعە مەزهەبەکان بەپێ دەچن بۆ شاری بەغدا و سێ رۆژیان پێدەچێت.

رۆژی گیان بەخشینی ئیمام موسای کازم دەکەوێتە رۆژی 25ی رەجەبی 1444ی هیجریی، کە دەکاتە رۆژی هەینی، 17.2.2023 بە ساڵی زایینی.

پێداچوونەوە:هێمن بەکر