پێنج ئەندامی خێزانێک رووداوێکی هاتوچۆ ژیانی لێ سەندنەوە

964+

سیروان خورشید – دوزخورماتوو

درەنگانی شەوی رابردوو، رووداوێکی ھاتوچۆ لە نێوان دوو ئۆتۆمبێلدا لەنزیک ناحیەی ئیسحاقی سەر پارێزگای سەڵاحەدین روویداوە، شەش کەس کە پێنجیان ئەندامی خێزانێکن گیانیان لەدەستدا و چوار کەسی دیکەش برینداربوون.

هەردوو ئۆتۆمبێلەکە لەجۆری نیسان پیکاب و کۆرلا بوون.

ئەمڕۆ شەممە 17.5.2025، ئیحسان عەباس، بەرپرسی بەشی هاتوچۆی رێگا دەرەکییەکانی دوزخورماتوو بە 964ـی وت، رەوداوەکە درەنگانی ئەمشەو لەسەر رێگای نێوان کەرکوک بۆ بەغدا و نزیک ناحیەی ئیسحاقی، لە نێوان دوو ئۆتۆمبێل لە جۆرەکانی نیسان پیکاب و کۆرلا روویداوە و سەرنشینەکانی هاوڵاتی عەرەب بوون.

بەهۆیەوە شەش کەس کە پێنجیان ئەندامی یەک خێزانن گیانیان لەدەستداوە و چوار کەسی دیکەش بەسەختی بریندابوون، بە قسەی ئەو، هۆکاری رووداوەکەش بەهۆی تیژڕەوی و تاریکی رێگاکەوە بووە و هەردوو شۆفێر بەخێراییەکی زۆر رووبەروی یەک هاتوون و لەنزیک ناوچەی ئیسحاقی پێکیاندا داوە و تووشی رووداوەکە بوون.

لەناو رووداوەکە، منداڵ و ژن هەن کە گیانیان لە دەستداوە یان برینداربوو، ئەوانەی بریندار بوون، سەرجەمیان رەوانەی نەخۆشخانە کراون و بەهۆی سەختی روداوەکەوە باری تەندروستی سەرجەم بریندارەکان ناجێگیرە بەرپرسی بەشی هاتوچۆی رێگا دەرەکییەکان وتی،”لە ئێستادا سەرقاڵی لێکۆڵینەوەن لەرووداوەکە”.

بە رووداوی هاتوچۆ منداڵێکی هەشت ساڵان گیانی لەدەست دا