لە ئاکرێش کەسێک گیانی لەدەستدا و دووی دیکەش برینداربوون - وێنە؛ هاتوچۆی دهۆک
دیسان رووداوی هاتوچۆ و کارەسات
لە ئاکرێش کەسێک گیانی لەدەستدا و دووی دیکەش برینداربوون
964+
شۆڕش قادری
لە ئاکرێش رووداوێکی هاتوچۆ روویدا و بەهۆیەوە کەسێک گیانی لەدەستدا و دوو هاوڵاتی دیکەش برینداربوون.
ئازاد تەها وتەبێژی هاتوچۆی دهۆک لە پەڕەی تایبەتی خۆی لە تۆڕی کۆمەڵایەتی فەیسبووک نووسیویەتی، کاتژمێر 8:15 خولەکی بەیانی ئەمڕۆ چوارشەممە 14.5.2025 لەسەر رێگای سەرەکی کەمپی ماملیان سەربە قەزای ئاکرێ دوو ئۆتۆمبێل خۆیان بەیەکدا کێشاوە.
ئاماژەی بەوەشکردووە، لە رووداوەکەدا کەسێک گیانی لەدەستداوە و دوو کەسی دیکەش برینداربوون.
تا کاتژمێر 9:30 خولەکی بەیانی ئەمڕۆ سێ رووداوی هاتوچۆ لە ئاکرێ و سۆران و رێگای کەلار – دەربەندیخان روویاندا و بەهۆیانەوە دوو کەس گیانیان لەدەستدا و پێنج کەسی دیکەش برینداربوون.
