964+

ژووری هەواڵ

وەزارەتی بازرگانی و پیشەسازیی هەرێمی کوردستان بەدوای کۆمپانیایەکدا دەگەڕێت بەمەبەستی دروستکردنی سایلۆیەکی ستیل کە توانای هەڵگرتنی چوار هەزار تۆن گەنمی هەبێت لە ئیدارەی سۆران.

لە راگەیەندراوێکدا وەزارەتی بازرگانی دەڵێت، “جێبەجێکردنى ئەم پڕۆژەیە پێکهاتووە لە جێبەجێکردن و دابینکردن و ئەنجامگەیاندنى هەموو بیناکان و بەشەکانى و رێگاکانى و خزمەتگوزاریەکان و دابینکردنى ئامێرەکان و کەلوپەلەکانى پێیویست بەم پڕۆژەیە و بەشەکانى تر کە پێویستن بۆ دڵنیابوون و گەرەنتى لە کارپێکردن و بەکارخستن بە باشترین شێوەو جۆرى سایلۆ”.

وەزارەتەکە راشیگەیاندووە، مەبەستى سەرەکیان لە جێبەجێکردنى ئەم پڕۆژەیە گەرەنتى پڕۆسەى خەزنکردن و بەتاڵکردنەوەى دانەوێڵەیە بەڕێگایەکى تەندروست و پارێزراو.

لە قۆناغى سەرەتادا هەڵسەنگاندن بۆ ئەو کۆمپانیایانە دەکرێت کە توانا و نیازى جێبەجێکردنى پرۆژەى لەم شێوەیان هەیە لە چوارچێوەى هەڵسەنگاندن و لێهاتویى و شیاوى کۆمپانیا پێش ئاراستەکردنى دوانامە بۆیان بۆ بەشدارىکردنیان لە پڕۆسەى کەمکردنەوە بۆ ئەم پڕۆژەیە.

مەرجە کۆمپانیای خوازیار دۆکیومێنتى شیاندنى سەرەتا و فۆرمى شیاندن بەرامبەر بە شەش ملیۆن دینار کە ناگەڕێنرێتەوە بکڕێت و مۆڵەتی کارکردنی هەبێت.

بۆ ئه‌مساڵ سێ سایلۆی تازه ‌دروستكراو گه‌نمى جوتیاران وه‌رده‌گرن

964+

دیلان محەمەد – سلێمانی

ئاژەڵە ماڵیەکانیش شوێنی مانەوە و هۆتێلیان پێویستە و خاوەنی هۆتیلێکی ئاژەڵانیش لە سلێمانی دەڵیت، ئەو کەسانەی سەفەر و گەشت دەکەن ئاژەڵەکانیان لای ئێمە جێدەهێڵن و باشترین چاودێرییان دەکەین بە نرخێکی گونجاو.

دەشڵێت، نرخی مانەوەی ئاژەڵ لە هۆتێلەکەمان بۆ یەک شەو 15 هەزار دینارە و بەوپەڕی بەرپرسیارێتیشەوە چاودێری ئاژەڵەکان دەکەین و ئاگامان لێیان دەبێت تا دەگەڕێنەوە ماڵەکانی خۆیان.

بەپێی قسەی خاوەنی هۆتێلی ئاژەڵان، رێژەی بەخێوکردنی ئاژەڵ لە کوردستان زۆر زیادی کردووە، بەڵام لەبەرامبریشدا کەسانێکی زۆر هەن کە ئاژەڵەکانیان بەڕەڵا دەکەن و پشتگوێینا دەخەن.

باس لەوەش دەکات، پێویستە مرۆڤ بتوانێت بەرپرسیارێتی ئاژەڵەکە هەڵبگرێت ئینجا بڕیاری راگرتنی ئاژەڵەکە بدات، چونکە راسستە لە رووی دەروونییەوە ئاژەڵەکان ئاسوودەییمان پێدەبەخشن، بەڵام ئەرک و خەرجییەکی زۆریان دەوێت.

پێداچوونەوە: ژێوار خدر

شاجوانی پشیلە لە سلێمانی هەڵبژێردرا