پۆدكاستی تەندروستی
رۆڵی خۆراک چییە لە پاراستنی تەندروستیمان؟
+964
جێگر مەحمود
دەرزیی کێشدابەزاندن زیانی هەیە؟ ئەمە پرسیارێكە و د. شێرزاد عەلی، پسپۆری تەندروستی و خۆراک لە پۆدکاستی تەندروستیی 964 وەڵامی دەداتەوە .
خۆراکی هاوسەنگ بنچینەی تەندروستییە و یارمەتیدەرە بۆ دابینکردنی وزە، بەهێزکردنی بەرگری لەش و خۆپاراستن لە نەخۆشییەکان، هەروەها کێشەی کێش، چ قەڵەوی بێت یان لاوازیی زیاد لە پێویست، کاریگەری نەرێنی لەسەر تەندروستی هەیە.
د.شێرزاد عەلی دەڵێت زۆر پێویستە گرینگی بدرێت بە خۆراکی تەندروست، وەک هێلکە، گۆشت، سەوزە و میوە، پاقلەمەنییەکان، چەرەزات و تۆوەکان، جگە لە پێویستی، دەبێت بیرکردنەوەمان بگۆڕێت لە خواردن، بۆ نموونە ئەو خواردنانەی بەسوودن و بێ کێشەن بایەخەکی زۆری پێ بدەین، بە بەراورد بەو خواردنانەی دووچاری نەخۆشیمان دەکەن و پێویستە لێی دووربکەوینەوە، بۆ نموونە خواردنە رووەکیەکان وەکو پاقلەمەنییەکان پێویستە بایەخی پێبدرێت بە تایبەت دوای تەمەنی 40 ساڵی و دوورکەوتنەوە لە خواردنە گیانەوەرییەکان کە زۆربەیان چەوری زیان بەخشیان تێدایە.
د. شێرزاد لە پۆدكاستی تەندروستیی 964 وردەكاری زیاتر لە بارەی رۆڵی خواردن لە پاراستنی تەندروستی مرۆڤ باس دەكات و دەتوانن بینەری ڤیدیۆیەكە بن.
