لە کەرکوک

چوار ئۆتۆمبێل بە ئاژەڵی قاچاخەوە دەستیان بەسەرداگیرا

2025-04-04 | 23:40

964+

شۆڕش قادری

چوار ئۆتۆمبێل بە ئاژەڵی قاچاخەوە دەیانویست خۆ بەناو شاری کەرکوکدا بکەن، پۆلیس پێیانیزانی و دەستی بەسەرداگرتن.

بەپێی راگەیەنراوێکی پۆلیسی پارێزگای کەرکوک، مەفرەزەکانیان دەستیان بەسەر چوار ئۆتۆمبێل لە جۆرەکانی کیای دووتەنیـدا گرتووە کە پڕبوون لە ئاژەڵی قاچاخ و بەنیازبوون بەنهێنی داخلی شاری کەرکوک بکرێن.

ئاماژە بەوەشکراوە، پەڕاوی لێکۆڵینەوە بۆ رووداوەکە کراوەتەوە و هەر چوار شۆفێرەکەش دەستگیر کراون و رووبەڕووی یاسا دەکرێنەوە.