دیمهنی یهكێك له رووداوهكان له سنوورى قهزاى كۆیه... وێنه : هاتوچۆى كۆیه.
له ههولێر و كۆیه
رووداوهكانى هاتوچۆ له ههرسێ رۆژى جهژندا 45 هاوڵاتی بریندار كرد
964+
فهرهاد حهسهن
بهپێی دوو ئامارى فهرمى له ماوهى ههر سێ رۆژى جهژنى رهمهزاندا بههۆى رووداوهكانى هاتوچۆوه 45 كهس له پارێزگاى ههولێر و قهزاى كۆیه بریندار بوون.
ئامارهكانى هى نەخۆشخانەی رزگاری فێرکاری ههولێر و بەشی فریاکەوتنى نەخۆشخانەی فێرکاری شەهید د. خالیده له كۆیه.
لهههولێر بههۆى ئهم رووداوانهى هاتوچۆوه 37 كهس بریندار بوون و پێنج كهسیش گیانیان لهدهستداوه، له كۆیهش ههشت هاوڵاتی برینداربوون.
ههر بهپێی ئامارهكان لهههرسێ رۆژهكهى جهژندا لهو نهخۆشخانهیهى ههولێر پێشوازى ههزار و 901 نهخۆش سهردانیان كردووه و 738 نهخۆش پشكنینى تیشك، 502 تاقیگهیی 341 سۆنایان ئهنجامداوه و 23 نهشتهرگهرى جۆراوجۆریش ئهنجامدراون.
سێ رۆژی جەژنیش له كۆیه 181 نهخۆش داخڵكراون، 13 حاڵهتى بهربوونهوه روویان له نهخۆشخانهكه كردووه و حاڵهتێكی بهركهوتنى گولله و یهك پێوهدانى ماری، برینداری جۆراوجۆر 23 حاڵهت، پێوەدانی دووپشک سێ حاڵهت، شکانی دەست و قاچ 13 و فریاگوزاری سەرەتای و دوورینەوە و تەداوی کردنیشیان بۆ 85 هاوڵاتى ئهنجامداوه.
ژمارەی بریندارەکانی رووداوە هاتوچۆکەی سماقوڵی بۆ 12 کەس بەرزبووەوە
باوک و کچێک بە رووداوی هاتوچۆ گیانیان لەدەست دا
