ژمارەی كوژراوانی بوومەلەرزەكەی میانمار . دوو هەزار كەسی تێپەڕاند، فۆتۆ: ئاژانسەکان
270 كەس بێسەروشوێنن
ژمارەی كوژراوانی بوومەلەرزەكەی میانمار دوو هەزار كەسی تێپەڕاند
964+
ئەرسەلان عەبدوڵا
ئاژانسی هەواڵی شینخوای چین بڵاویکردەوە، ژمارەی کوژراوانی بوومەلەرزەکەی ئەم دواییە کە میانماری گرتەوە، دوو هەزار کەسی تێپەڕاندووە و ژمارەی بریندارەکانیش گەیشتووەتە نزیکەی سێ هەزار و 900 کەس، هاوکات 270 کەسی دیکەش تا ئێستا بێسەروشوێنن.
ئاژانسەکە لە زاری ئەنجومەنی کارگێڕیی دەوڵەتەوە بڵاویكردەوە، ژمارەی کوژراوانی ئەو بوومەلەرزەیەی کە رۆژی هەینیی رابردوو میانماری گرتەوە، بۆ دوو هەزار و 56 کەس بەرزبووەوە، هاوکات نزیکەی سێ هەزار و 900 کەسیش برینداربوون، پێدەچێت نزیکەی 270 کەسیش هێشتا بێسەروشوێن بن.
راپۆرتەکانی پێشوو باسیان لەوە كردبوو، ژمارەی کوژراوانی بوومەلەرزەكە هەزار و 700 کەسن و بریندارانیش سێ هەزار و 400 و 300 کەسیش بێسەروشوێنن.
هەینیی رابردوو بوومەلەرزەیەك بە گوڕی 7.7 پلە لە میانماری دا، بەڵام تایلەند و چینیشی گرتەوە، هەروەها لە هیندستان و بەنگلادیش هەستی پێكرا.
