نەخۆشی درێژخایەنی هەیە و توانای دابینکردنی دەرمانی نییە
سەرچاوەی بژێوی خێزانێکی پێنج کەسی تەنیا عارەبانەیەکی بچوکە
964+
ئاکام غەفوور – سۆران
نەبوونی کەسابەتێکی باش و قەیرانی دارایی بارگرانی زۆری لەسەر هاوڵاتیانی کوردستان بەگشتیی دروستکردووە، لە سۆرانیش مام یوسف بۆ دابینکردنی بژێوی خۆی و خێزانەکەی تەنیا پشتی بە عارەبانەکەی قایمە و رۆژانە بۆ پەیداکردنی 10 بۆ 15 هەزار دینار دەجەنگێت.
یوسف خورشید پیاوێکی تەمەن 70 ساڵە و سەرەڕای هەڵکشانی تەمەنی، هەموو رۆژێک لە ماڵ دێتەدەر و لەسەر شەقام و جادەکان بە عارەبانەیەکی بچوک، کێک و شیرینی دەفرۆشێت.
مام یوسف بە 964ـی وت، خێزانێکی پێنج کەسین و دوو منداڵی لە زانکۆن و بۆ ئەوەی بەردەوام بن لە خوێندن، هەموو سەختی و نەهامەتییەک تەحەمول دەکات و قەرزێکی زۆریشی لەسەرە.
وەک خۆی دەڵێت، نەخۆشی درێژخایەنی هەیە و تەنانەت هەندێک جار توانای دابینکردنی دەوا و دەرمانیشی نییە و خەڵکی خێرخواز یارمەتی دەدەن.
پێداچوونەوە: شۆڕش قادری
