گۆڕستانی شێخی چۆلی لە هەولێر پاككرایەوە
جەژن نزیكە
گۆڕستانی شێخی چۆلی لە هەولێر پاككرایەوە
964+
ئەرسەلان عەبدوڵا
چەند رۆژێكی ماوە بۆ رۆژی عەرەفە و جەژنی رەمەزانی پیرۆز، شارەوانیی هەولێر مشوری سەردانیكردنی گۆڕستەكانیشی خوارد و ئەوەتا گۆڕستانی شێخی چۆلی پاككردەوە.
سەرۆکایەتی شارەوانیی هەولێر رایگەیاند، گۆڕستانی شێخی چۆلی لە دڕک و پوش و پەڵاش خاوێنکرایەوە و هاوڵاتیان دەتوانن بە ئاسوودەیی سەردانی بكەن.
ئاماژەیان بەوەش كردووە، بە سەرپەرشتی لیژنەکانیان لە بەڕێوەبەرایەتیی خزمەتگوزاری و ژینگەپارێزی هەولێر، هەڵمەتێکی فراوانی خاوێنکردنەوە و کۆکردنەوەی دڕک و پوش و پەڵاشەکانی ناو گۆرستانی شێخی چۆلی ئەنجامدرا،
ئەمەش وەک ئامادەکارییەک بەبۆنەی نزیکبوونەوەی جەژنی رەمەزان و سەردانی هاوڵاتیان بۆ گۆڕستانەكە.
لە هەرێمی كوردستاندا كارێكی نەریتییە و هاوڵاتیان لە رۆژانی عەرەفە و جەژندا سەردانی گۆڕی ئازیزانیان دەكەن و بە لێشاو خۆیان دەكەن بە گۆڕستانەكان.
