964+

شۆڕش قادری

لە گوندی قەشانـی نزیک قەزای ماوەت لە شارباژێر، هاوڵاتییەک 12 سەر بزنە کێوی لێ ون بوون و بەدوایاندا دەگەڕێت.

هەڵمەت قادر خاوەنی ئاژەڵەکان بە 964ـی وت، “پێشتر دوو سەر بزنە کێویم بوو کە هەمیشە بەڕەڵابوون و بەدەوری ماڵ و مەڕوماڵاتەکەی خۆمانەوە بوون، دواتر زاووزێیان کردووە و بوون بە 13 سەر کە زیاتریش بوون و بەشێکیان فەوتاون، چەند رۆژ لەمەوبەر لەناو سروشت شوانێک دەنگیداون، کە پێدەچێت تەقەی لێکردبێتن و ترسابن، لەوکاتەوە بزربوون و دیار نەماون”.

ئاماژەی بەوەش کرد، یەکێک لە بزنە کێوییەکان دۆزراوەتەوە، 12 دانەکەی دیکە تا ئێستا کەس نازانێ لە کوێن و بەدوایاندا دەگەڕێن.

هەڵمەت قادر وتیشی، پۆلیسی دارستان و ژینگەیان لەو بابەتە ئاگادار کردووەتەوە.

سەبارەت بە ماڵیکردنی ئاژەڵە کێوییەکان، هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت، “ئاژەڵی کێویی خۆمان ماڵی ناکرێت و زۆربەی ئەو ئاژەڵانە لە دەرەوەی وڵات دەهێنرێنە کوردستان و ماڵیی دەکرێن، ئەگەرنا ماڵیکردنی ئاژەڵە کێوییەکانی کەژوکێوی کوردستان، بەهەموو شێوەیەک قەدەغەیە و رێگەپێدراو نییە”.

پۆلیسی دارستانی سلێمانی بۆ پاراستنی بزنە کێوییەکان شەو و رۆژ ئێشکگرە

چوار کەس دوو بزنە کێوییان راوکرد؛ فریای خواردنیان نەکەوتن و دەستگیر کران

964+

پەری ساڵح

ماوەیەکی زۆرە سرودێکی نیشتمانی بەناوی کوردم بووەتە ترێندی سۆشیال میدیا بەتایبەت لە تیکتۆک کە دەگەڕێتەوە بۆ سەردەمی خۆپیشاندانەکانی ئێران و رۆژهەڵاتی کوردستان بە دروشمی ژن ژیان ئازادی، بەبێ ئەوەی هیچ کەس ئاشنا بێت بە خاوەنی ئەو بەرهەمە نایابە.

خاوەنی بەرهەمەکە کاروان حەکیم زادەیە، کە خەڵکی شاری سەردەشتی رۆژهەڵاتی کوردستانە و وەک خۆی بۆ 964 باس دەکات لە تەمەنی 7 ساڵیەوە دەستی بە کاری هونەری کردووە، بەشداری چەندین چالاکی کردووە و موزیسیانێکی بەتواناشە.

کاروان حەکیم زادە یەکەم کاری هونەری کوردم نییە، بەڵام هیچ کام لە بەرهەمەکانی هێندە کاردانەوەی نەبووە و نەچووەتە ناو خەڵکەوە، بۆ 964 وتی، ویستم کارەکەم رێک تایبەت بە کورد بێت، دڵنیا رەزازیش یەکێکە لە بەشداربووەکانی ئەو بەرهەمە، هیچ پەیوەندی بە شۆرشەکانی ئێرانیشەوە نەبوو، تەنیا بۆ کورد بوو تا هەستی نیشتمانی بەرز بکەمەوە لەناو گەنجەکان.

لە ئێستادا کاروان حەکیم زادە هیچ کارێکی هونەری نییە و ماوەیەکی زۆرە بێدەنگە، دەشڵێت بەرهەمی ترم هەیە و جارێ نیازی بڵاوکردنەوەیم نییە.

لە سۆشیال میدیا بەفر باریوە و ترێندی گەرمی ئەم هەفتەیەش ماچێکە