گیانی بە خزم و دراوسێیە
نزیکەی بیست ساڵە مۆبایل چاک دەکاتەوە و خۆی مۆبایلی نییە
964+
عەبدولعەزیز خالند – هەولێر
وەستا فەرهادی مۆبایل، ناوێکی دیاری ناو بازاڕی مۆبایل فرۆشانە لە هەولێر وەرشەی هەیە و نزیکەی بیست ساڵە کاری چاککردنەوەی مۆبایل دەکات، لە حاڵێکدا خۆی مۆبایلی نییە.
وەستا فەرهاد بە 964وت، خۆی لەگەڵ بێ مۆبایلی راهێناوە و هیچ کێشەیەکی نییە، لە وەرشەکەشی زیاتر مۆبایلە کۆن و بێ مواسەفاتەکان چاک دەکاتەوە، بەهۆی شارەزای زیاتری لەو جۆرە مۆبایلانە.
فەرهاد دەڵێ، تائێستا مۆبایلی نەبووە و حەزی پێنەکردووە مۆبایل ماندووی دەکات، بەڵام ماوەیەک بۆ دوکان هەی بووە، پێی بێزار بووو و ئەویشی لابردووە.
بە قسەی وەستا فەرهاد بێت، پێ نەبوونی مۆبایل هیچ کێشەیەکی بۆ دروست نەکردووە، چونکە بە قسەی خۆی، خێزانەکەی خۆی شۆفێری دەکات و زۆر ئاسانکاری بۆ کردووە.
لە کاتی مردنی کەسێک و بوونی پرسە، ئەو هەر لە سەردەمی کۆن دەژی و وەک چۆن، خەڵکیان ئاگادار دەکردەوە ئاوا خزم و کەسی ئەویش دێن و بەبینین ئاگادار دەکەنەوە.
ئەو دەڵێ، موشتەریەکانیشم لە کارەکانم راهاتوون، ئەگەر چاکردنەوەی مۆبایلەکەی 15 خولەکی بووێت من بە خاوەنەکەی دەڵێم، 25 خولەکی تر وەرە بۆ مۆبایلەکەت و بۆیە وا دەردەکەوێ لە کاتی خۆیدا مۆبایلەکەی ئامادەببێ.
پێداچوونەوە: ئەحمەد مستەفا
