964+

هیڤی دێوالی – دهۆک

هەفتەیەکە بەبەردەوامی دەوروبەری گوندی بلاڤە بوردۆمان دەکرێت، خەڵکی گوندەکەش دەڵێن، بەهۆی بۆردومانەکانەوە دەترسن شەوانە ماڵەکانیان بچنە دەرەوە، چونکە پاشماوەی بۆردومانەکە دەکەوێتە سەربان و حەوشەی ماڵەکانیان.

ئەمشەو لەنزیک کاتژمێر 12:00  و تاوەکو ئامادەکردنی ئەم هەواڵە، بەبەردەوامی فڕۆکە دەوروبەری گوندی بلاڤە و گوهەرزێ لە ئامێدی بۆردومان دەکات.

فایەق بلاڤەی، گرتەڤیدیۆییەکی بۆ 964 ناردووە، کە دەنگی فڕۆکە و بۆردومان دەبیسترێت و دەڵێت، ماوەی هەفتەیەکە سوپای تورکیا شەوانە بە فڕۆکە گوندی بلاڤە بۆردومان دەکات، ئەمشەویش بەچڕی دەوروبەری گوندەکەی بۆردومان کردووە.

هەر ئەمشە، زیاتر لە 10 ئۆتۆمبێل گەیشتوونە ناحیەی دێرەلووک، و دوای بۆ گوندی رەشاڤە لە گەلیێ روشتن لەوێ دەمێننەوە، ئەوەش بە گوێرەی شایەتحاڵەکان کە قسەیان بۆ 964 کردووە.

هاوکات، سەرچاوەیەکی ئەمنی لە سنووری قەزای ئامێدی پشتڕاستی کردەوە و وتی، ماوەی هەفتەیەکە ئەو گوندانە لە سنووری ناحیەی دێرەلووک بۆردومان دەکرێ و تەقی تەقە بە بەردەوامی دەبیسترێ.

سەرچاوەکە وتی، بە شەوان سوپای تورکیا بە فڕۆکە بۆردومانی دەوروبەری گوندەکانی بلاڤە و گوهەرزێ دەکات. بەڵام زیانی گیانی نەبووە، گوندی بلاڤە نزیکەی 40 ماڵ تێیدا دەژین، دەکەوێتە ناحیەی دێرەلووک لە سنوری قەزای ئامێدی.

پێداچوونەوە: ئەحمەد مستەفا

لە گوهەرزێ شەڕەتەقە لە نێوان سوپای تورکیا و گەریلاکانی پە*کە*کە روویدا

964+

ئەرسەلان عەبدوڵا

نووسینگەی وەزیری بەرگری ئەمریکا، پیت هێگسێت رایگەیاند، داوای هاوکارییان لە هەواڵگری سەربازی کردووە بۆ لێکۆڵینەوە لە دزەپێکردنی زانیارییە نهێنییەکان لە ناوخۆی پینتاگۆنەوە.

وەزارەتی بەرگری ئەمەریکا ئەمڕۆ شەممە لە بەیاننامەیەکدا ئاشكرای كرد، زانیاری هەستیاری پەیوەست بە ئاسایشی نەتەوەیی ئاشکرا کراون، لەوانە پەیوەندییە نهێنییەکان، ئەمەش پێویستی بە لێکۆڵینەوەی خێرا و ورد هەبووە.

نووسینگەی وەزیر داوای لە بەڕێوەبەری هەواڵگری سەربازی کردووە، بە پەلە بەدواداچوون بۆ ئەو دزەپێکردنانە بكات.

لە راگەیەندراوەکەدا ئاماژە بەوەش کراوە، دوای تەواوبوونی لێکۆڵینەوەکان راپۆرتێکی تۆکمە بۆ وەزیری بەرگری ئامادە دەکرێت، کە وردەکاری تەواو لەبارەی ئەو دزەپێکردنانە و چۆنیەتی روودانی لەخۆ دەگرێت.

پێشتر ئیلۆن مەسک خاوەنی كۆمپانیای سپەیس ئێكس، كە ئێستا لە سەرۆكی ئەمریكا زۆر نزیكە، هەڕەشەی لە کارمەندانی پینتاگۆن کردبوو، کە رەنگە لە پشت دزەپێکردنی زانیارییەکانەوە بن و رایگەیاندبوو، بڕیارە زانیارییەکی کورت لەبارەی ئەگەری شەڕی نێوان ئەمریکا و چین وەربگرێت.

ئێوارەی پێنجشەممەی رابردوو رۆژنامەی نیویۆرک تایمز هەواڵەکەی بڵاوکردەوە و ئاماژەی بەوەدا، چەند بەرپرسێكی ئەمریکی، کە ناوی ئاشكرا نەكراوە، پشتڕاستیان کردووەتەوە کە پینتاگۆن بەنیازە رۆژی هەینی سەبارەت بە پلانەکانی سوپای ئەمریکا بۆ ئەگەری هەر شەڕێك دژی چین، زانیاری بە ئیلۆن مەسك بدات.

دوای بڵاوبوونەوەی هەواڵەکە، بەرپرسانی پینتاگۆن و دۆناڵد ترەمپ، سەرۆکی ئەمریکا پشتڕاستیان کردەوە کە کۆبوونەوەی پلان بۆ داڕێژراو ئەنجام دەدرێت، بەڵام رەتیانکردەوە گفتوگۆکان پەیوەندی بە پلانی سەربازیی پەیوەست بە چین هەبێت.

ترامپ لەسەر پلاتفۆرمی خۆی، “تروس سۆشیال ” نووسیویەتی: “هەواڵی ساختە گەڕاوەتەوە، ئەمجارەیان لە نیویۆرک تایمزی فزوڵییەوە، ئەوان بە هەڵە نووسیویانە ئیلۆن مەسک سەردانی پینتاگۆن دەکات بۆ بەشداریکردن لە کۆنگرەیەکی کورت لەسەر “ئەگەری جەنگ لەگەڵ چین”.

ترەمپ دەڵێت، “ئەم قسە بێمانایە چییە؟ تەنانەت ناوی چین نەهاتووە و باسیشی نەكراوە، ناشیرینییەکان گەیشتوونەتە ئەو ئاستەی میدیاکان متمانەی خۆیان لەدەست بدەن بەو جۆرە درۆیانە، بەهەرحاڵ، ئەم چیرۆکە درۆیەکی تەواوە”.

راپۆرتەکەی نیویۆرک تایمز کە کۆشکی سپی توڕە کرد، ئاماژەی بەوەبوو، کە كارێكی لەو شێوەیە لەلایەن پینتاگۆنەوە رۆڵی بەرفراوانی ماسک فراوانتر دەکات، هەروەها تیشک دەخاتە سەر پرسیارەکان سەبارەت بە ئەگەری دژبەیەكی سەرچاوەکان، بە تایبەتی کە ماسک قووڵتر دەچێتە ناو بیرۆکراسی حکومەتی فیدراڵی لە هەمان کاتدا بەردەوامە لە بەڕێوەبردنی کۆمپانیاکانی وەک سپەیس ئێکس کە بەڵێندەرێکی گەورەیە بۆ حکومەت، جگە لەوەی بازرگانی لە چین دەکات.

کوژرانی کێنێدی.. بەڵگەنامەکان گومانەکانیان لەسەر دەزگای هەواڵگری ئەمریکا زیادکرد