964+

میلاد جەلال- گەرمیان

جوتیارێکى سنوورى گەرمیان لە کاتى کێڵانى زەوییەکەى، تراکتۆرەکەى هەڵدەدێرێت و بەهۆیەوە گیان لەدەست دەدات.

رووداوەکە ئەمڕۆ یەکشەممە 16.3.2025، لە گوندى بەکر بایەف لە سنوورى گەرمیان لە ناحیەى شێخ تەویل روویداوە.

دانا ئەحمەد، بەڕێوەبەرى ناحیەى شێخ تەویل بە 964ـى وت،”جوتیارەکە تەمەنى نزیکەى 60 ساڵە، ئەمڕۆ لە کاتى کێڵانى زەوییەکەى تراکتۆرەکەى لە کەندێکەوە هەڵدەدێرێت و بەهۆیەوە گیان لەدەست دەدات”.

وەک باسى دەکات، جوتیارەکە بەتەنها بووە، بۆیە نازانن رووداوەکە چۆن روویداوە، ئەوەى هەیە تراکتۆرەکەى هەڵدێراوە و جوتیارەکە کەوتووەتە ژێرەوە.

لەئێستادا بۆ توێکارى، تەرمەکەى رەوانەى پزیشکى دادى دەربەندیخان کراوە.

پێداچوونەوە: وریا فەتاح

کارەبای نیشتیمانی بۆ ناحیەکانی پێباز و مەیدان وشێخ تەویل گەڕایەوە

964+

ژووری هەواڵ

پێشەوا هەورامانی، وتەبێژی حکومەتی هەرێمی کوردستان رایگەیاند، هیچ ئاستەنگێک لەبەردەم ناردنى موچەى مانگى ئازار نییە و لە ئەگەری ناردنی پارە لەلایەن بەغدا، پێش جەژن موچەى سەرجەم موچەخۆران دابەشدەکەن.

ئەمڕۆ سێشەممە 25.3.2025، پێشەوا هەورامانی، لە کۆنفرانسێکی رۆژنامەوانیدا رایگەیاند، لەبارەی موچە، لەگەڵ حکومەتى فیدراڵ هەنگاوى باشیان بڕیوە و سەرجەم کێشە تەکنیکییەکان چارەسەرکراون.

لە بارەى چارەنووسى موچەى مانگى 12ـى ساڵى رابردووى موچەخۆرانى هەرێمى کوردستان، وتەبێژی حکومەت وتى “ئاشکرایە کە ئەو موچەیە لەلایەن حکومەتى فیدراڵییەوە نەدراوە بەفەرمانبەرانى هەرێمى کوردستان”.

هاوکات لەبارەى هەناردەکردنەوەى نەوتەوە، پێشەوا هەورامانی، وتى “تورکیا و هەرێمى کوردستان ئامادەییان دەربڕیوە بۆ دەستپێکردنەوەى هەناردەى نەوت، بەڵام ئەوەى کە تاوەکو ئێستا بێدەنگە حکومەتى فیدراڵە کە هیچ هەنگاوێکى کردارى نەناوە بۆ دەستپێکردنەوەى هەناردەى نەوتى هەرێمى کوردستان”.

هەفتەی داهاتووی هەمووی پشووە