کولێرە بەقیمە و پیتزای شار لە چەمچەماڵ داخرا - وێنە: قایمقامیەتی چەمچەماڵ
لە رەمەزاندا شەش شوێن داخراون
کولێرە بەقیمە و پیتزای شار لە چەمچەماڵ داخرا
964+
شۆڕش قادری
لە مانگی رەمەزاندا لیژنە هاوبەشەکانی قایمقامیەتی چەمچەماڵ بە وردی چاودێری بازاڕ و شوێنە گشتییەکان دەکەن و تا ئێستا شەش شوێنیان بەهۆی رەچاونەکردنی رێنماییە تەندروستییەکان داخستووە.
بەپێی راگەیەندراوێکی قایمقامیەتی چەمچەماڵ، پشکنین و گەڕانی لیژنەکانیان لە مانگی رەمەزاندا بەردەوامە و بەهۆی پابەندنەبوونی بە رێنماییە تەندروستییەکان، (کولێرە بەقیمە و پیتزای شار)یان داخستووە و خاوەنەکەی رووبەڕووی یاسا کراوەتەوە.
لە مانگی رەمەزاندا لیژنە هاوبەشەکانی قائیمقامیەتی چەمچەماڵ بە دوو شەفت دەوام دەکەن و چاودێری فرۆشگا و بازاڕ و شوێنە گشتییەکان دەکەن.
بەپێی ئامارێک کە 964 لە پەیجی قایمقامیەتی چەمچەماڵ وەریگرتووە، لە سەرەتای مانگی رەمەزانەوە تا ئەمڕۆ شەش شوێن لە چەمچەماڵ داخراون.
زیاتر لە 178 تۆن کاڵای خراپبوو لە چەمچەماڵ دەستی بەسەرداگیراوە
