والی عێراق و سوریای داعش كوژرا

964+

ئەرسەلان عەبدوڵا

سەرۆک وەزیران و فەرماندەی گشتیی هێزە چەکدارەکانی عێراق، کوژرانی عەبدوڵا مەکی، والی عێراق و سوریای رێكخراوی داعشی راگەیاند.

ئەمڕۆ هەینی 14.3.2025 محەمەد شیاع سودانی لە پۆستێكدا لە تۆڕی ئێكس بڵاویكردەوە، “پاڵەوانەکانی دەزگای هەواڵگری نیشتمانیی عێراق، بە پاڵپشتی و هەماهەنگی فەرماندەیی ئۆپەراسیۆنە هاوبەشەکان و هێزەکانی هاوپەیمانی نێودەوڵەتی، توانیان تیرۆریست عەبدوڵڵا مەکی موسلیح ئەلرەفیعی ئەلمەكنی بکوژن، كە بە (ئەبو خەدیجە) ناسراوە”.

ئەوەشی نووسیوە، عەبدوڵا مەكی پۆستی جێگری خەلیفە، والی عێراق و سوریای بەدەستەوە بوو، هەروەها بەرپرسی لیژنەی رێگەپێدان و ئۆپەراسیۆنەكانی دەرەوە بوو.

“ئەم تیرۆریستە بە یەکێک لە تیرۆریستە مەترسیدارەکانی عێراق و جیهان دادەنرێت”، سودانی وای نووسیوە.

سەرۆک وەزیرانی عێراق ئاماژەی بەوە نەکردووە، ئەو کەسە لە کوێ و چۆن و کەی کوژراوە.

دوو تیرۆریستی داعش دەستگیر کران