سەرەی دوورودرێژی خانەنشینان لە سلێمانی بۆ وەرگرتنی موچە. فۆتۆ:964
هەرچەندە پشووە
سبەی لە ئیدارەی گەرمیان و چەمچەماڵ و پێنجوێن موچە دابەش دەکرێت
964+
توانا نەقی
سبەی شەممە 15.3.2025 سەرەڕای پشووی فەرمی، پرۆسەی دابەشکردنی موچە لە لایەن بانکی گەرمیانەوە بەردەوام دەبێت، چەمچەماڵ و پێنجوێنیش هەمان بڕیاریان داوە.
بە پێی لیستەکە بێت کە وەزارەتی دارایی بڵاویکردووەتەوە، رۆژانی هەینی و شەممە پشووە و موچە دابەش ناکرێت.
بەڵام ئیدارەی گەرمیان و بانکەکانی قەزای چەمچەماڵ و قەزای پێنجوێن بڕیاریان داوە شەممەش، واتە سبەینێش نەوەستن لە دابەشکردنی موچەی خانەنشینانی شارستانی.
ئەم موچەیە دابەش دەکرێت موچەی مانگی دووە و لە رۆژی 13.3.2025ـەوە تا 18.3.2025 سەرجەم شوێن و وەزارەتەکان موچە وەردەگرن.
