بە تەلى ئاسن خنکێندراوە
تەرمى ژنێک لە زێى گەورەدا دۆزرایەوە
964+
وریا فەتاح
تەرمى ژنێک لە زێى گەورەدا دۆزرایەوە، بە وتەى پۆلیسى ئاکرێ، ژنە خنکێنراوە و تەلى ئاسن لە مل و سەرى گرێدراوە و فڕێدراوەتە ئاوەکەوە.
پۆلیسى ئاکرێ لە راگەیەنراوێکدا بڵاوى کردەوە، ئەمڕۆ کاتژمێر 11:00ـى پێشتیوەڕۆ، بنکەى پۆلیسى کەڵەک ئاگادارکرایەوە لەوەى کە لە زێى بچوک لە سنوورى گوندى زەنگل، تەرمى ژنێک دەرکەوتووە.
وەک ئەوەى پۆلیس باسى کردووە، تیمەکانیان دەچن لاشەى ژنەکە دەردەهیننەوە.
“دەرکەوت کە تەلى ئاسن لە قاچ و ملى ژنەکە گرێدراوە و پێى خنکێنراوە و دواتر خراوەتە زێى گەورە”،پۆلیسى ئاکرێ وا دەڵێت.
هەروەک باسى دەکات، بەهۆى ئەوەى ماوەیەکى زۆر بەسەر خنکانیدا تێپەڕیوە، لاشەکە کۆن بووە و ناناسرێتەوە.
لە ئێستادا لاشەى ژنەکە رەوانەى پزیشکى دادى هەولێر کراوە بۆ دیاریکردنى ناسنامە و شێوازى کوشتنەکەى، هاوکات بە بڕیارى دادوەر و بەپێى مادەى 406 لە یاساى سزادان، دۆسیە بۆ حاڵەتەکە کراوەتەوە و لێکۆڵینەوە دەستى پێکردووە.
سبەی رۆژی ژنانە؛ مافی مرۆڤ لە خەمی کوشتنی ئەوانە
