964+

هێڤی دێوالی _ دهۆک

لەگەڵ دابەشکردنى موچە، لەزۆربەى بانکەکانى کوردستان قەرەباڵغى و سەرەگرتن دروست دەبێت، بەڵام لە دهۆک کەمتر هەست بەوە دەکرێت یان هەر نۆرەگرتن نابینرێت.

ئەمڕۆ لە بانکى ماڵتا تا کاتژمێر 2:00، سێ هەزار کەس لەو بانکە موچەیان وەرگرتووە، بەڵام نۆرە نەگیرا و دۆخەکە بە ئاسایى تێپەڕى.

بەوتەى بەرپرسانى بانکەکە کە قسەیان بۆ 964 کردووە، هۆکارى دروستنەبوونى نۆرەگرتن لە بانکەکەیان بۆ ئەوە دەگەڕێتەوە، کە پلانێکى جێگیریان هەیە بۆ دابەشکردنى موچە و 10 کەس 10 کەس دەکەنە ژوورەوە و موچەیان پێدەدرێت.
وەک باسیشى دەکەن، خەڵکیش هاوکاریانە و لەبەیانى زووەوە نایەن بۆ بەردەم بانک و بوەستن، بەڵکو هەندێکیان رۆژێک دواتر دەچن بۆ بانک و موچە وەردەگرن.

پێداچوونەوە: وریا فەتاح

پارشێو نەخەوتنەوە و لەسەرى موچەدا وەستان

964+

ژووری هەواڵ

وەزارەتی دەرەوەی ئەمریکا، لە راپۆرتێکدا دەڵێت، یەکخستنەوەی هێزەکانی پێشمەرگە هەنگاوی زۆر باشی بڕیوە و تا ئەیلولی 2026 گواستنەوەی هێزەکانی سەر بە یەکەی 70 و یەکەی 80 بۆ سەر وەزارەتەکە بەردەوام دەبێت.

وەزارەتی دەرەوەی ئەمریکا، راپۆرتی وەرزیی سێ مانگی کۆتایی ساڵی رابردووی پشکنەری گشتیی حکومەتی وڵاتەکەی بڵاوکردەوە و بەشێکی راپۆرتەکە باس لە پرۆسەی یەکخستنەوەی هێزەکانی پێشمەرگە و کاری هاوپەیمانان لەگەڵ وەزارەتی پێشمەرگەی هەرێمی کوردستان دەکات.

بە گوێرەی راپۆرتەکە، 11 یەکە بۆ ئەو هێزانە دادەمەزرێن، کە دەگوازرێنەوە سەر وەزارەتی پێشمەرگە و ژمارەیان نزیکەی 138 هەزار دەبێت، بەسەر دوو فەرماندەیی ناوچەییدا دابەش دەبن.

“هێزەکانی دژەتیرۆری حیزبی، پۆلیسی پاراستنی نەوت و پۆلیسی سەربازی، لە دەرەوەی یەکخستنەوەی وەزارەتی پێشمەرگەدا دەمێننەوە”، وەزارەتی دەرەوەی ئەمریکا وا دەڵێت.

لە راپۆرتەکەدا هاتووە، 17 هەزار پێشمەرگە لە نێو وەزارەتەکەیان ماون، کە موچەکانیان بکرێت بە ئەلیکترۆنی و 70 هەزار پێشمەرگەی دیکەش ناویان بۆ وەرگرتنی موچە بە شێوەی ئەلیکترۆنی تۆمارکراوە، ئەمەش سوودی دەبێت بۆ “کەمکردنەوەی گەندەڵی”.

سەرۆکی هەرێم و وەزیری بەرگری هۆڵەندا باسی یەکخستنەوەی هێزی پێشمەرگەیان کرد