لەسەر دەستگیرکردنى سێ راوچى، کۆماندۆ هەڵیکوتایە سەر بنکەیەکى پۆلیس

964+

سیروان خورشید – دوزخورماتوو

دواى ئەوەى سێ راوچى لەلایەن مەفرەزەیەکى پۆلیسى دارستانى زینانە دەستگیر دەکرێت، چەند چەکدارێکى کۆماندۆ هەڵدەکوتنە سەر بنکەى پۆلیسى دارستان و یەکێک لە راوچییەکان لەدەست پۆلیس دەردێنن.

چیرۆکەکە بەم شێوەیەیە، ئەمڕۆ شەممە 8ـى مارسى 2025، مەفرەزەیەکى پۆلیسى دارستانى زینانە، لەکاتى گەڕان و بەدواداچوونەکانیان چاویان بە گروپێک راوچى دەکەوێت و دەکەونە شوێنیان، دواتر راوچییەکان بە ئۆتۆمبێلەکانیانەوە هەڵدێن، بەڵام دواى ماوەیەک ئۆتۆمبێلەکەیان وەردەگەڕێت و پۆلیس سێ راوچیان دەستگیر دەکات.

سەرچاوەیەکى بەرپرس لە زینانە بە964ـی وت،”دواى دەستگیرکردنى راوچییەکان، دەیانهێننەوە بۆ بنکەى پۆلیسى دارستان، بەڵام دواتر ژمارەیەک چەکدارى هێزى کۆماندۆ هەڵدەکوتنەسەر بنکەکە و بە زەبرى هێز و هەڕەشەلێکردن، یەکێک لە راوچییەکان لەگەڵ خۆیان دەبەن”.

وەک باسى دەکات، لە کاتى دەستگیرکردنى راوچییەکان دوو ئۆتۆمبێلى نیسان پەترۆڵ و دوو چەکى جۆرى کڵاشینکۆف و تاپڕێک، دەستیان بەسەرداگیراوە.

زینانە لە ساڵی 1997ـەوە كراوە بە ناحیە،  لە رووی ئیدارییەوە سەر بە قەزای كفریە و لە رووی جوگرافیشەوە هاوسنوورە لەگەڵ قەزای كفری و قەزای دوزخورماتوو.

چوار راوچى بە شەش کەوى راوکراوەوە دەستگیرکران