کەلار
گەنجێک بە چەقۆ کوژرا
964+
میلاد جەلال – گەرمیان
کەمێک پێش ئێستا لە یەکێک لە گەڕەکەکانی کەلار بەهۆی شەڕێکەوە گەنجێک بەر چەقۆ درا و کوژرا.
رەفیق قادر، بەڕێوەبەری نەخۆشخانەی فریاکەوتنی شەهید هەژار بە 964ـی وت، شەڕەکە لە گەڕەکی ئاوارەکانی قەزای کەلار روویداوە و گەنجەکە کە خەڵکی کەلارە، شوێنەواری پێنج چەقۆ بە جەستەیەوەیە و گیانی لەدەستداوە.
بەڕێوەبەرایەتی پۆلیسی گەرمیانیش لە راگەیەنراوێکدا دەڵێت، ئەو گەنجەی کوژراوە ناوی ( ئـ، ف، ع) و لەدایکبووی ساڵی 2007ـە.
ئاماژەی بەوەشکردووە، بەمەبەستی توێکاری تەرمەکەی رەوانەی پزیشکی دادوەری قەزای کەلار کراوە و تۆمەتبار کە لەدایکبووی ساڵی 2004ـە، دەستگیرکراوە و بەبڕیاری دادوەر و بەپێی مادەی 406 بەندکراوە.
پۆلیس چووەتە شوێنی رووداوەکە و پەڕاوی لێکۆڵینەوەی بۆ کراوەتەوە و لەگەڵ تۆمەتبار، لەسەر هۆکاری رووداوەکە دەستیان بە لێکۆڵینەوە کردووە.
پێداچوونەوە: ژێوار خدر
