964+

وریا فەتاح

هەرچەندە شەوى رابردوو واى بڵاوکردەوە کە 10ـى ئەم مانگە قەدەغەى راوەماسى دەستپێدەکات، بەڵام ئەمڕۆ وەزارەتى کشتوکاڵ دەڵێت، ئەوە هەڵەى چاپ بووە و قەدەغەکە لە 20ـى مانگەوە دەستپێدەکات.

وەزارەتەکە بڵاوى کردووەتەوە، لە پێناو پاراستی سامانی ماسی وەک سامانێکی گرنگی نیشتیمانی، بڕیاردرا بە قەدەغەکردنی راوەماسی لە هەرێمی کوردستان لە رێکەوتی 20.3.2025ـەوە تاوەکو 20.6.2025.

بەدیاریکراوى لە 21.6.2025، راوەماسی ئاسایی دەکرێتەوە

لەبارەى ئەوەى شەوى رابردوو وایان بڵاوکردەوە کە قەدەغەکە لە 10ـى ئەم مانگەوە دەستپێدەکات، وەزارەتى کشتوکاڵ نوسیویەتى،” بەهۆی هەلەیەکی چاپ رێکەوتی 10.3.2025 وادەی قەدەغەکردنی راوەماسی دیاری کرابو، بەڵام ئەوەى ئەمڕۆ بڵاوکان کردووەتەوە کارى پێدەکرێت.

روونیشى کردووەتەوە، راوکردن بە (کارەبا و مادە ژەهرەوییەکان و مادە تەقەمەنییەکان و تۆری کوو ورد) کە ببێتە هۆکاری لەناوبردنی بە‌کۆمەڵی زیندەوەرە ئاوییەکان بە هەموو شێوەیەک قەدەغەیە.

 سەرەڕاى قەدەغەى راوەماسى پۆلیس چاودێرى راوچیان دەکات

964+

شۆڕش قادری

هاتوچۆی گەشتیاران لە دەروازە سنوورییەکانی نێوان هەرێم و رۆژهەڵاتی کوردستان روولەزیادبوونە و لە ماوەی یەکساڵدا یەک ملیۆن و 159 هەزار گەشتیار تەنیا لە مەرزی حاجی ئۆمەرانەوە هاتوچۆیان کردووە.

ئاژانسی هەواڵی ئیرنا لەزاری محەمەد رەزایی بەڕێوەبەری تێرمیناڵی دەروازەی نێودەوڵەتی حاجی ئۆمەران لە دیوی رۆژهەڵاتی کوردستان بڵاویکردووەتەوە، لە 21.3.2024 تا 21.3.2025 یەک ملیۆن و 159 هەزار گەشتیار لە مەرزەکەوە هاتوچۆیان کردووە و ئامارەکە بەراورد بە ساڵی پێشووتر لەو کاتەدا 35٪ زیادیکردووە.

ئاماژەی بەوەشکردووە، هەر لەو کاتەدا 130 هەزار بارهەڵگر کە هەڵگری کاڵا و کەرەستەی جۆراوجۆر بوون، لە مەرزی حاجی ئۆمەرانەوە هاتوچۆیان کردووە.

بەقسەی محەمەد رەزایی، تەنیا لە رۆژانی پشووی نەورۆزیشدا، 50 هەزار گەشتیار لەرێی مەرزی نێودەوڵەتی حاجی ئۆمەرانەوە هاتوون و چوون.

دەروازەی نێودەوڵەتی حاجی ئۆمەران لە 25 کیلۆمەتری قەزای چۆمان و 11 کیلۆمەتری شاری پیرانشار لە رۆژهەڵاتی کوردستان هەڵکەوتووە و بە یەکێک لە دەروازە بازرگانییە سەرەکییەکانی نێوان هەرێمی کوردستان و ئێران لەقەڵەم دەدرێت.

ئەمساڵ یەک ملیۆن و 400 هەزار تۆن کاڵا لە حاجی ئۆمەرانەوە هاوردە کراوە

بەفر رێگای مەرزی حاجی ئۆمەرانی لە دیوی رۆژهەڵاتەوە داخست