پۆستەرەکانی بانگەشەی هەڵبژاردن لە شەقامەکان پێنجوێن لادەبرێن - وێنە: شارەوانی پێنجوێن
"سیمای شاریان ناشیرین کردووە"
دوای چوار مانگ و نیو پۆستەرەکانی بانگەشەی هەڵبژاردن لە شەقامەکانی پێنجوێن لادەبرێن
964+
شۆڕش قادری
دوای نزیکەی چوار مانگ و نیو لە بەڕێوەچوونی هەڵبژاردنی پەرلەمانی کورستان، هێشتا پۆستەر و فلێکسی بەشێک لە کاندیدەکان لە شەقامەکانی پێنجوێن ماون، بۆیە شارەوانی ناچاربوو خۆی لایان ببات.
بەپێی راگەیەنراوێکی سەرۆکایەتی شارەوانی سلێمانی، بەمەبەستی پاككردنەوەی شەقامە سەرەكییەكانی قەزای پێنجوێن لە پاشماوەی هەڵمەتەكانی هەڵبژاردن و ریكلامی بازرگانی، شارەوانی پێنجوێن هەڵمەتێكی بەرفراوانی دەستپێکردووە.
ئاماژە بەوەشکراوە، پاشماوەی كەڵەكەبووی پۆستەر و فلێكس و ئاڵای هەڵمەتەكانی هەڵبژاردن و ریكلامە بازرگانییەكان سیمایەكی ناشیرینیان بە پێنجوێن بەخشیبوو.
رۆژی هەینی 20.10.2024 دەنگدانی گشتی بۆ هەڵبژاردنی خولی شەشەمی پەرلەمانی کوردستان بەڕێوەچوو و دواتر مەروان محەمەد بەڕێوەبەری لقی هەولێری کۆمسیۆنی هەڵبژاردنەکانی عێراق بە 964ـی وت، “کاندیدەکان مانگێکیان مۆڵەت هەیە بۆ ئەوەی پۆستەر و فلێکسەکانیان لە شەقام و شوێنە گشتییەکان لاببەن، بەپێچەوانەوە سزا دەدرێن.
بەربژێرەکانی هەڵبژاردن لەسەر لێنەکردنەوەی پۆستەرەکانیان سزا دەدرێن
