بۆ جەژنیش هەڵماندەپەڕێنێ
بۆکان هەورامی دوو بەرهەمی نوێی ئامادە کردووە
964+
دیلان محەمەد – سلێمانی
هونەرمەند بۆکان هەورامی دوو بەرهەمی نوێی ئامادە کردووە و بەنیازە بۆ جەژنی رەمەزانیش گۆرانییەکی شاد بڵاو بکاتەوە.
بۆکان هەورامی قسەی بۆ 964 کرد و وتی، “بەرهەمێکیان ئاوازی مامۆستا عەدنان کەریمـە، پێیداوم و حازرم کردووە بۆ کلیپ و ئەوەی دیکشیان ئاوازێکی هەورامییە و ئەویش ئامادەیە”.
ئاشکراشیکرد کە دەیەوێ بۆ جەژنی رەمەزان ئاوازێکی شاد و پڕ لە جۆش و خرۆش ئامادە بکات.
نەشیشاردەوە کە بۆ ئەو گۆرانییە بەرهەمێکی فۆلکلۆر هەڵدەبژێرێ، کە هەم کۆن بێ و هەمیش زۆر نەوترابێ.
پێداچوونەوە: شۆڕش قادری
