لە هەولێر کەمپینی کۆکردنەوەی کۆمەک بۆ باکور و رۆژئاوا راگەیەنرا
+964
هێرۆ مەولودی
لە هەولێر کەمپینێکى کۆکردنەوەی هاوکاری بۆ زیانلێکەوتووانی بوومەلەرزەکەی باکور و رۆژئاوای کوردستان راگەیەندرا.
کەمپینەکە لەلایەن کۆمەڵێک چالاکوان و خێرخوازی هەولێر راگەیەنراوە و هەموو جۆرە هاوکارییەک لە هاوڵاتیان وەردەگرن.
کەمپینەکە لە دوو شوێنی تایبەت بۆ کۆکردنەوەی هاوکاری کراوەتەوە، یەکەمیان لە سەنتەری ئاڵا لە شەقامی 30 مەتری، دووەمیشیان لە جوتسایدی لاوان.
بە گوێرەی ئەو راگەیاندراوەی لەلایەن رێکخەرانی کەمپینەکە بڵاوکراوەتەوە، هەموو جۆرە پێداویستیەکی مرۆیی بەتایبەت خۆراک، خێوەت، جلوبەرگ و بەتانی کۆدەکەنەوە.
پێشتریش لە دهۆک و سلێمانی کەمپین بۆ زیانلێکەوتوانی بوومەلەرزەکەی باکور و رۆژئاوای کوردستان لەلایەن هاوڵاتیانی هەرێمی کوردستان راگەیەنراوە.