لە بازگەى دێگەڵە
رێگریکرا لەو مامۆستا و فەرمانبەرانەى بەڕێکەوتبوون بەرەو هەولێر
964+
وریا فەتاح
ئەو مامۆستاو فەرمانبەرانەى لە سلێمانى و هەڵەبجە و هەردوو ئیدارەى راپەڕین و گەرمیان بەرەو هەولێر بەڕێکەوتبوون، لە بازگەى دێگەڵە رێگریان لێکرا.
مامۆستا یاسین عەبدوڵا، یەکێک لە سەرپەرشتیاران و بەشدار بوو لە گردبوونەوەکە بە 964ـى وت،” لە بازگەى دێگەڵە رێگریمان لێکراوە چالاکی و ناڕەزایەتییەکانمان ببەینە هەولێر، بۆیە بڕیارمانداوە بەپێى بڕۆین”.
وەک باسى دەکات ژمارەیان زیاترە لە 200 مامۆستا و فەرمانبەر، دەیانەوێت دەنگى ناڕەزایەتییەکانیان ببەنە هەولێر.
ئەوەش لە کاتێکدایە، ئەمڕۆ یەکشەممە، ژمارەیەک مامۆستا و فەرمانبەر لە شار و شارۆچکە جیاوازەکانى سنوورى سلێمانى و هەڵەبجە و کۆیە و راپەڕین و گەرمیان، بەڕێکەوتوون بەرەو هەولێر.
