سێ کچ رۆڵ دەبینن
شانۆی “خزمەتکاران” لە دهۆک نمایش دەکرێت
964+
توانا نەقی
شانۆی خزمەتکاران کە کە پیامی کۆمەڵایەتی و سیاسیشی هەڵگرتووە و لەلایەن کچێکی چەمچەماڵەوە دەرهێنانی بۆ کراوە بۆ ماوەی دوو رۆژ لە دهۆک نمایش دەکرێت.
شانۆی خزمەتکاران لە نوسینی ژان ژینە و کاری دەرهێنانی لەلایەن ئاڵا غازی بۆ کراوە و سێ ئەکتەر تیایدا بەشدارن کە هەرسێکیان کچن.
ئاڵا غازی دەرهێنەری شانۆی خزمەتکاران بە 964ـی وت، شانۆکەیان بردووەتە دهۆک رۆژانی 12 و 13ـەی ئەم مانگە لە هۆڵی محەمەد عارف جەزیری نمایش دەکرێت.
وتیشی، لە شانۆکەدا سێ کچ رۆڵ دەبینن و کاری دەنگی شانۆکەش زیندووە و هەر کچێکی ئەکتەر بەناوی شیرین حەقی ئۆپێرا و گۆرانیەکان دەڵێتەوە.
سەبارەت بە چیرۆکی شانۆکە ئاڵا دەڵێت، لە رووی کۆمەڵایەتییەوە باس لەچینی سوقراتی و بوژوازی دەکات و جیاوازی نێوان هەژار و دەوڵەماند دەکات، لە رووی سیاسیشەوە باس لە دەسەڵات و قۆرغکاری دەکات و لە پێناو مانەوەیان، لەسەر ئاستی تاکیش باس لە رکابەری و چاڵ هەڵکەندنی تاکەکان بۆ یەکتری دەکات.
