بەم درەنگی شەوە خەریکن

تیمەکانی بەرگری شارستانی سۆران سەرقاڵی رزگارکردنی بێچووە پشیلەیەکن

964+

ئاکام غەفور – سۆران

تیمەکانی بەرگریی شارستانیی سۆران له‌ یه‌كێك له‌ دوكانه‌كانى بازاڕ خه‌ریكی رزگاركردنى بێچووه‌ پشیله‌یه‌كن، كه‌ له‌ناو سه‌قفى دوكانێكدا گیری خواردووه‌.

زانیار بورهان، ئەفسەری ئێشکگر لە بەرگریی شارستانیی سۆران، بە 964ـی وت، دوای ئه‌وه‌ى ئاگادارکراونه‌ته‌وه‌ به‌ گیرخواردنی ئه‌م بێچووه‌پشیلەیە، بە چوار تیم خه‌ریكن رزگاری ده‌كه‌ن.

وتیشی “هەرچەندە کاتەکەی درەنگە، بەڵام تا ژیانی پشیلەکە رزگار دەکەین به‌رده‌وام ده‌بین”.

وەک ئەو ئەفسەرە باسی دەکات، گرفتیان لەوە بۆ دروست بووە کە مەودای سەقفی دوکانەکە و سەقف مەغریبیەکە زۆر کەمە و بە ئاسانی ناتوانن دەستیان پێبگات.

پێداچوونه‌وه‌: فه‌رهاد حه‌سه‌ن