بۆردومانکردنى موڵگەى داعش...
لە سنوورى نێوان کەرکوک و سەڵاحەدین
فڕۆکەى ئێف 16 مەفرەزەیەکى داعشى لەناوبرد
964+
وریا فەتاح
شانەى راگەیاندنى ئەمنى عێراق، لە ناوبردنى حەشارگەیەکى داعشى لە سنوورەکانى نێوان کەرکوک و سەڵاحەدین راگەیاند و دەڵێت، بە فڕۆکەى ئێف 16 چالاکییەکە ئەنجامدراوە.
شانەکە لە بەیاننامەیەکدا بڵاوى کردووەتەوە کە لەژێر چاودێری و پلاندانانی شانەی ئامانج لە فەرماندەیی ئۆپەراسیۆنە هاوبەشەکان، توانیان چاودێری مەفرەزەیەکى چەکدارانى داعش بکەن لە یەکێک لە میوانخانەکانى سنوورى نێوان سەڵاحەدین و کەرکوک.
وەک باسکراوە، دواى دەستنیشانکردنى ئامانجەکان، فڕۆکەى ئێف 16 دوو هێرشى ئەنجامداوە و توانیوەتى ئامانجەکانى بپێکێت و سەرجەم چەکدارەکان لەناو بەرێت.
