فۆتۆ: ئاسایشی سلێمانی
ئاسایشی سلێمانی دەستگیركردنی هەشت كەسی راگەیاند
+964
كوردستان ئەحمەد- هەولێر
ئاسایشی رۆژئاوای سلێمانی دەڵێت، لە ناحیەی تەکیە تاقمێکی تیرۆریستی دەستگیركراون، كه لە هەشت كەس پێكهاتوون.
لەراگەیەندراوێكی ئاسایشی سلێمانیدا هاتووە، پشتبەستوو بە زانیارییە هەواڵگرییەکان و بەدواداچوونی ورد، زانیاری بەدەستهات لەسەر بوونی تاقمێکی تیرۆریستی لە سنووری قەزای چەمچەماڵ خۆیان حەشارداوە و لە یاسا هەڵهاتوون.
هەر لە راگەیەندراوەكەدا هاتووە، لە رۆژی 5ـی شوباتەوە لێكۆڵینەوە لەو گرووپە كراوە و توانرا لە ماوەی دوو رۆژدا هەشت كەس دەستگیربكرێن، كە بە مادەی دووی تیرۆر لە دادگای عێراق داواكاربوون.
ئاسایش دەڵێت، تۆمەتبارە دەستگیراوەکان پێشینەی کاری تاوانکاری و تیرۆریان هەبووە و بەشداربوون لە چەندان کردەی تیرۆریستی و شەهیدکردنی هاوڵاتی و کارمەندانی هێزە ئەمنییەکانی عێراق.
بەپێی راگەیەندراوەكەی ئاسایش: ئەم گرووپە لە ساڵی 2014ـەوە پەیوەندییان بە رێكخراوی داعشەوە كردووە و چەندان كردەوەیان ئەنجامداوە.