نۆیەمین کۆنفڕانسی نێودەوڵەتی بۆ دەرمانسازان و پیشەسازی دەرمان لە هیندستان بەڕێوەدەچێت
خاوەنکار و کۆمپانیاکانی کوردستان دەتوانن بەشداربن
نۆیەمین کۆنفڕانسی نێودەوڵەتی بۆ دەرمانسازان لە هیندستان بەڕێوەدەچێت
964+
شۆڕش قادری
نۆیەمین کۆنفڕانسی نێودەوڵەتی بۆ دەرمانسازان و پیشەسازی دەرمان لە هیندستان بەڕێوەدەچێت و خاوەنکار و کۆمپانیاکانی کوردستانیش دەتوانن بەشداری کۆنفڕانسەکە بکەن.
مەعروف هەرکی جێگری بەڕێوەبەری ژووری بازرگانی هەولێر بە 964ـی وت، “بڕیارە مانگی ئازاری داهاتوو، نۆیەمین کۆنفڕانسی نێودەوڵەتی بۆ دەرمانسازان و پیشەسازی دەرمان لە وڵاتی هیندستان بەڕێوەبچێت”.
“سەرجەم خاوەنکار و کۆمپانیاکانی پەیوەست بەو بوارە لە هەرێمی کوردستان دەتوانن بەشداری کۆنفڕانسەکە بکەن و دەتوانن لەئێستاوە ناوی خۆیان تۆمار بکەن”، مەعروف هەرکی وای وت.
ئاماژەی بەوەشکرد، کۆمپانیا و بازارگانان دەتوانن بۆ وەرگرتنی زانیاری زیاتر و بەشداریکردن لەم کۆنفڕانسە، سەردانی ژووری بازرگانی و پیشەسازی هەولێر – بەشی پەیوەندییەکان بکەن.