"لە ماوەی یەک ساڵدا 35 کێڵگەی مین پاککراونەتەوە لە سنووری پارێزگای سلێمانی"
پێنجوێن پیسترین ناوچەی عێراقە لەرووی مینەوە
964+
دیلان محەمەد – سلێمانی
قەزای پێنجوێن لە پلەی یەکەم دێت بۆ بوونی مین و تەقەمەنی لەسەر ئاستی عێراقدا و لە پارێزگای سلێمانی نزیکەی 234 ملیۆن مەتر چوارگۆشە ناوچەی بە مین چێنراو هەیە.
موحسین عەبدولکەریم، بەڕێوەبەری گشتیی کاروباری مین لە سلێمانی بە 964ـی وت، لە ساڵی 2024 دا 35 کێڵگەی مین پاککراونەتەوە لە سنووری پارێزگای سلێمانیدا، رووبەرەکەیان بە ملیۆنێک و 270 و هەزار و 930 مەتر چوارگۆشە مەزەندە دەکرێت.
وتیشی، قەزای پێنجوێن مینێکی زۆری تێدایە و بە پلەی یەکەم دێت لەسەر ئاستی عێراقدا و دوای ئەوە ناوچەی شارباژێڕ دێت، تا ئێستا 234 ملیۆن لە پارێزگای سلێمانی بە مین چێنراون.
پێداچوونەوە: ژێوار خدر
