نرخی نەوت بەردەوامە لە بەرزبوونەوە
لە 80 دۆلار نزیک بووەتەوە
هەروا دێ و نرخی نەوت بەرزدەبێتەوە
964+
شۆرش قادری
چەند رۆژێکە نرخی نەوت لە بۆرسەی جیهانی، بە شێوەیەکی بەرچاو رووی لە بەرزبوونەوە کردووە و ئەمڕۆش بەرەوە 80 دۆلار هەنگاو دەنێت.
ئەمڕۆ شەممە 11.1.2025 نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 79 دۆلار و 76 سەنت دیاریکراوە و بەراورد بە دوێنێ نرخەکەی 2.84٪ بەرزبووەتەوە.
هەروەها نرخی بەرمیلێک نەوتی خاوی تەکساسیش، بە 76 دۆلار و 57 سەنت مامەڵەی پێوە دەكرێت و نرخەکەی 2.65٪ بەرزبووەتەوە.
بە گوێرەی شیكردنەوەی شارەزایانی بازاڕی نەوت، بەهۆی ئەگەری سەپاندنی سزای زیاتر بەسەر روسیادا لەلایەن ئەمریكاوە، پێشبینی دەكرێت ئەم هەفتەیە نرخی نەوت زیاتر بەرزبێتەوە.
نرخى نەوت 77 دۆلارى تێپەڕاند
