وێنەی ئەو رێگەیەی کە گازوایلەکەی لێ رژاوە. فۆتۆ: پۆلیسی دارستان و ژینگەی سلێمانی
لە ناڵپارێز
لەسەر رژاندنی گازوایل شۆفێری تانکەرێک دەستگیر کرا
+964
ژووری هەواڵ
پۆلیسی دارستانی ناڵپارێز، لەسەر رژاندنی بڕێکی زۆر گازوایل، شۆفێری تانکەرێکی دەستگیر کرد و دەڵێت، بووبوە هۆی مەترسی بۆ سەر ژیانی شۆفێران.
ئەمڕۆ چوارشەممە 1.8.2025، هێمن کەمەرخان، وتەبێژی پۆلیسی دارستانی سلێمانی بە 964ـی راگەیاند، لەسەر شەقامی سەرەکی نێوان پێنجوێن و سەیدسادق، تانکەرێک بڕێکی زۆر گازوایلی رشتووە و بووەتە هۆی مەترسی، لەسەر ئەوە شۆفێرەکەیان دەستگیر کردووە.
تانکەرەکە تابلۆی ئێرانی پێوەیە و دەستیبەسەردا گیراوە، و پەڕاوی لێکۆڵینەوەش بۆ کەیسی دەستگیرکردنی شۆفێرەکە کراوەتەوە.
بەگوێرەی دەستەی پاراستن و چاككردنەوەی ژینگەی هەرێمی كوردستان، فڕێدانی پاشماوەی مەترسیدار، سزاكەی 10 ملیۆن دینارە.
