سێ دیمهن لهكاتى جێبه‌جێكردنى پڕۆژهكه ... وێنه: فه‌رمانگه‌ى ژینگه‌ى سلێمانى .
ئاماده‌ییه‌كی كچانیان بۆ ده‌ستنیشانكراوه
ژینگه‌ى سلێمانى دوو شوێنى بازرگانى پابه‌ندكرد پڕۆژه‌ى له‌برى سه‌وزكردن جێبه‌جێبكه‌ن
964+
فه‌رهاد حه‌سه‌ن
فه‌رمانگه‌ى ژینگه‌ى سلێمانى دوو شوێنى بازرگانى پابه‌ند كرد پڕۆژه‌ى له‌برى سه‌وزكردن جێبه‌جێ بكه‌ن، ئه‌ویش وه‌ك رێكار و رێنمااییه‌ك كه ده‌سته‌ى پاراستنى ژینگه‌ى هه‌رێم له‌به‌رامبه‌ر كۆمپانیا و شوێنه بازرگانییه‌كان جێبه‌جێى ده‌كات.
فه‌رمانگه‌كه، دەستیکردووه بە سەوزکردنی ئامادەیی بەختیاری کچان بە رووبەری 750 مه‌تردوجا، كه هه‌ریه‌ك له کارگەی جبسی مینا و سەنتەری پزیشکی سابات پابه‌ندكراون بۆ جێبه‌جێكردنى.
له‌برى سه‌وزكردن، پڕۆژه‌یه‌كی ده‌سته‌ى پاراستنى ژینگه‌یه له هه‌رێمى كوردستان بۆ ئه‌و كۆمپانیا و پرۆژانه‌ى كه كاریگه‌ری خراپیان له‌سه‌ر ژینگه هه‌یه، پابه‌ند ده‌كرێن كه سه‌وزایی بچێنن، هەر پڕۆژەیەکیش لە رووبەرەکەیدا مەودای زیادکردنی سەوزایی نەبێت، ئەوا لە شوێنێکی تر کە فەرمانگەی ژینگە بۆی دیاری دەکات ، پڕۆژەی لەبری سەوزکردن جێبەجێدەکات.
پێشتر، عەبدولڕەحمان سدیق، سەرۆکی ده‌سته‌ى پاراستنى ژینگەی هەرێمه کوردستان وتبووی، دەبێت هەر پڕۆژەیەک کە مۆڵەتی وەرگرت لە %25ـی پرۆژەکەی بکاتە سەوزایی، چونكه ئه‌وان پڕۆژەی لە بری سەوزکردنیان راگەیاندوە و پێویستە پابه‌ندی بن.
ژینگه‌ى سلێمانى نزیكه‌ى 300 دۆنم زه‌وى (له‌برى سه‌وزكردن)ى جێبه‌جێكردووه
ژینگه‌ى هه‌ڵه‌بجه كۆمپانیایه‌كى دیكه‌ى پابه‌ند كرد له بری سه‌وزكردن جێبه‌جێ بكات
