21 منداڵى سێیانە و 454 منداڵى دووانە لەدایکبوون

964+

وریا فەتاح

تەنیا لە ساڵى رابردوودا، لە نەخۆشخانەى ئافرەتان و لەدایکبوونى فێرکاریى هەولێر 16 هەزار و 971 منداڵ لەدایکبوون و 454 منداڵیان دووانە بوون.

بەپێى ئامارى نەخۆشخانەى ئافرەتان و لەدایکبوونى فێرکاریى هەولێر، لە ساڵى رابردوودا 81 هەزار و 547 نەخۆش سەردانیان کردوون و 36 هەزار و 332 کەس خەوێندراون.

ئاشکراشیان کردووە کە لەو ساڵەدا 16 هەزار و 971 منداڵ لەدایکبوون، لەو ژمارەیەش 5 هەزار و 522 منداڵى کوڕ و 5 هەزار و 266 کچ، بە ئاسایى لەدایکبوون.

هەروەها، 3209 منداڵى کوڕ و 2974 منداڵى کچ، بە نەشتەرگەرى لەدایک بوون.

هەر لە ئامارەکاندا ئەوە روونکراوەتەوە، 21 منداڵى سێیانە و 454 منداڵى دووانە لەدایکبوون.