کەشێکی سارد بەڕێوەیە و بەفر بارین دەستپێدەکات
لە سبەی ئێوارەوە
نزای خەڵک گیرابوو باران دەبارێت
964+
ژێوار خدر
پێدەچێت نزا و نوێژەبارانە بە کۆمەڵەکەی دوێنێ و پێرێ گیرابووبێت، چونکە لە سبەیەوە لە ناوچە شاخاوییەکان بەفر و باران دەستپێدەکات و لەم دوو رۆژەشدا پلەکانی گەرما زیاتر دادەبەزن، بۆیە خۆتان بۆ سەرما ئامادە بکەن.
بەپێی پێشبینییەکانی کەشناسیی هەرێم، ئەمڕۆ شەممە 4.1.2025، ئاسمان ساماڵ دەبێت لەگەڵ دروستبوونی هەندێک پەڵەهەور و پلەکانی گەرماش یەک بۆ دوو پلەی سیلیزی بە بەراورد بە تۆمارکراوەکانى دوێنێ نزم دەبنەوە.
بەڵام سبەی یەکشەممە، ئاسمان ساماڵ و نیمچەهەور دەبێت و لە کاتەکانی ئێوارەدا دەگۆڕێت بۆ هەوری تەواو و پێشبینی بارینی نمەباران دەکرێت بە تایبەتی لە ناوچە شاخاوییەکاندا، ئەگەری بارینی بەفرێکی کەمیش هەیە لە ناوچە شاخاوییە سنوورییەکاندا، پلەکانی گەرماش نزیک دەبنەوە لە تۆمارکراوەکانى ئەمڕۆ.
بەرزترین پلەکانی گەرمای پێشبینیکرا :
هەولێر: 13 پلەى سیلیزى
سلێمانی: 13 پلەى سیلیزى
دهۆک: 14 پلەى سیلیزى
کەرکوک: 14 پلەى سیلیزى
هەڵەبجە: 13 پلەى سیلیزى
زاخۆ: 14 پلەى سیلیزى
حاجی ئۆمەران: 5 پلەى سیلیزى
سۆران: 11 پلەى سیلیزى
گەرمیان: 16 پلەى سیلیزى
