تێلێگرام یەکەم ئەپدەیتی ساڵی 2025ـى  بڵاوکردەوە

964+

رێبین هۆشیار

پلاتفۆڕمى تێلێگرام یەکەم ئەپدەیتی ساڵی 2025ـى بڵاوکردەوە کە چەند نوێکارى و تایبەتمەندییەک لەخۆى دەگرێت.

یەکێک لە نوێکارییەکان بریتییە لە فلتەر کردنی بەشی گەڕان لە ئاپی تێلێگرام، لە رێگای ئەم فلتەرکردنەوە بەکارهێنەر دەتوانێت بەخێرایی هەر نامەیەک کە پێشوتر ناردوویەتی بیدۆزێتەوەو  دەشتواندرێت فلتەرەکە زیاتر وردتر بکرێتەوە بەوەی دیاریبکەیت ئایە ئەو نامەیەی لە چاتێکی تایبەت یاخود لە گروپێک یان چانێڵێک نێردراوە.

تایبەتمەندیەکی تر کە تيلێگرام زیادی کردووە، بەدەستهێنانی ڤێریفایە لە رێگای لایەنی سێیەمەوە، بۆ نمونە گەر چێشتخانەیەک یان کۆمپانیایەک کە چەناڵێکى تێلێگرامی هەبێت لە جیاتى ئەوەى لە کۆمپانیاکەوە ڤێریفاى وەربگرێت دەتوانێت لە رێکەى لایەنى سێیەمەوە کە کۆمپانیاى تایبەتمەندە، سەحە شینەکە وەربگرێت، بەمەش کاتێک لەو رێگەیەوە ڤێریفاى وەردەگریت لۆگۆیەک لە پێش ناوەکەى زیاد دەکرێت.

یەکێکی تر لە زیاترکراوەکان NFTـە، لە نوێترین ئەپدەیتی تێلێگرام دەتوانی مەزادی NFT بکەیت، یاخود کرین و فرۆشتنیان پێوە بکەیت، هەروەها دەتوانیت gifts بکەیت بە NFT و لە ناوە و دەرەوەی تێلێگرام مامەڵەیان پێوە بکەیت.