شۆفێری تاکسیەک لەناو ئۆتۆمبێلەکەیدا گیانی لەدەست دا

+964

دیلان محەمەد – سلێمانی

شۆفێری تاکسیەکی ناوشار لە سلێمانی لە نزیک گەراجی بازیان لادەدات و تەندروستی تێکدەچێت تا تیمەکانی فریاگوزاری دەگەنە سەری گیانی لەدەستداوە.

سەرچاوەیەک لە تەندروستی سلێمانی بە 964 وت، نیوەڕۆی ئەمڕۆ هاوڵاتیەک لەناو ئۆتۆمبێلەکەی خۆیدا بە مردویی دۆزراوەتەوە.

باسی لەوەکرد، هاوڵاتیەکە تاکسی پێ بووە لە نزیک گەراجی پاسەکانی بازیان لە هۆش خۆی چوە دوای ئەوەی تیمەکانی فریاگوزاری گەیشتوون، هاوڵاتیەکە گیانی لە دەستداوە.

تەرمی هاوڵاتیەکە براوەتە پزیشکی دادی و کەسوکاریشێ چوونەتە ئەوێ بەڵام کەسیان ئامادە نەبوون قسە لەسەر هۆکاری مردنەکەی بکەن.

پێداچوونەوە: توانا نەقی