لە سلێمانی ئەمڕۆ تانکەرەکان پشوویانە و ئاو نابەن بۆ ماڵان

964+

دیلان محەمەد – سلێمانی

بەبۆنەی هاتنی سەری ساڵەوە تانکەرەکانی گواستنەوەی ئاو لە سلێمانی، ئەمڕۆ پشوویانە و ئاو نابەن بۆ ئەو ماڵانەی هێڵی ئاویان بۆ  رانەکێشراوە.

بەختیار تاهیر بەڕێوەبەری ئاوی سلێمانی بە 964ـی وت، “ئەمڕۆ پشووی تانکەرەکانی گواستنەوەی ئاوی ماڵانە بەبۆنەی سەری ساڵەوە و هیچ تانکەرێک ئاو نابات بۆ ماڵان”.

باسی لەوەشکرد، تا دوێنێ ئاوی پێویست براوە بۆ ئەو ماڵانەی بە تانکەر ئاویان بۆ دەچێت و بڕی پێویستیان بۆ دابینکراوە، بۆ ئەوەی لەو رۆژانەی پشووە، گرفتی کەمی ئاویان نەبێت.

بەختیار تاهیر وتیشی، پشووی شۆفێری تانکەرەکان لە ئەمڕۆوە دەستیپێکردوە و هیچ گرفتێکیش دروست نابێت بۆ ماڵان.

پێداچوونەوە: شۆڕش قادری

بۆچی هەندێک لە گەڕەکەکانی سلێمانی ئاوی زیاتریان بۆ دەچێت؟

ئیتر سلێمانی ئاوی پیسی نابێت