نرخی نەوت روو لە بەرزیە

964+

توانا نەقی

چەند رۆژێکە نرخى نەوت روولە بەرزبوونەوەیە و ئەمڕۆش نرخى یەک بەرمیل لەسەروو 74 دۆلار مامەڵەى پێوە دەکرێت و ماوەیەکە نەگەیشتووەتە ئەو ئاستە.

ئەمڕۆ دووشەممە 30.12.2024، نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 74 دۆلار و 22 سەنت دیاری کراوە و بەراورد بە دوێنێ نرخەکەی 0.05% بەرز بووەتەوە.

هەروەها نرخی یەك بەرمیل نەوتی سووكی تێكساس بە 70 دۆلار و 68 سەنت مامەڵەی پێوە دەکرێت و بەڕێژەی 0.08% بەرز بووەتەوە.

دوای کەوتنی رژێمی سوریا و گۆڕانکارییە خێراکانی ناوچەکە و خواستى وڵاتان، نرخى نەوتى بەرەو خوارەوە برد، بەڵام چەند رۆژێکە روو لە بەرز بوونەوەیە.