بەهای تمەنی ئێرانی بەتەواوی داڕما و لیرەی سورییش جێگیرە

964+

شۆڕش قادری

لەگەڵ هێوربوونەوەی دۆخی سوریا بەهای تمەنی ئێرانی بە تەواوەتی داڕما و لیرەی سوورییش تاڕادەیەک جێگیر دەبێت.

کەیفی خۆشناو، وتەبێژی بازاڕی دراوی هەولێر بە 964ـی وت، “ئەمڕۆ چوارشەممە 25.12.2024 هەر 100 دۆلاری ئەمریکی بە حەوت ملیۆن و 900 هەزار تمەن مامەڵە دەکرێت بە حەواڵە و بە نەختیش نزیکەی حەوت ملیۆن و 600 هەزار تمەنە”.

ئاماژەی بەوەش کرد، شەوی رابردوو بەهای 100 دۆلار بۆ چەند کاتژمێرێک هەشت ملیۆن تمەنی تێپەڕاند، بەڵام ئەمڕۆ کەمێک دابەزییەوە.

“بەرامبەر دیناریش، 100 دۆلار بە 151 هەزار و 700 دینار دیاری کراوە و هەر ملیۆنێک لیرەی سوورییش بەنزیکەی 310 هەزار دینار مامەڵەی پێوەدەکرێت”، کەیفی خۆشناو وای وت.

دوای کەوتنی رژێمی سوریا و کۆتاییهاتنی فەرمانڕەوایی بنەماڵەی ئەسەد لە 8.12.2024 بەهای لیرە بە شێوەیەکی بەرچاو بەرزبووەوە و هەر ملیۆنێک لیرە گەیشتە 700 هەزار دینار، بەڵام چەند کاتژمێرێکی نەخایاند و لەگەڵ هێوربوونەوەی دۆخی ناوخۆیی سوریا، بۆ دەوروبەری 250 بۆ 300 هەزار دینار دابەزییەوە.

دوای کەوتنی ئەسەد بەهای تمەنی ئێرانی داڕما

ئاڵۆزییەکانی سوریا هاڕەی بە لیرە کرد

تمەنی ئێرانی زیاتر دابەزی و لیرەی سوریاش بەرزبووەوە