سێ کەس لە قلیاسان لە شەڕەچەقۆ بریندار بوون

964+

دیلان محەمەد – سلێمانی

نوێکرایەوە: 11:27

پەیامنێری 964ـی رایگەیاند، یەکێک لە بریندارەکانی شەڕەچەقۆکەی نزیک پردی قلیاسان، بەهۆی سەختی برینەکەی گیانی لەدەستداوە.

هەواڵی سەرەتا:

کەمێک لەمەوبەر دەمەقاڵی و شەڕەچەقۆ لە نێوان چوار کەس لە گەڕەكی قلیاسانی سلێمانی روویداوە و لە ئەنجامدا سێ کەسیان بریندار بوون، برینی یەکێکیان سەختە.

کاروان قادر شایەتحاڵ بە 964 وت، کەمێک لەمەوبەر لە نزیک پردی قلیاسان دەمەقاڵی لە نێوان چوار هاوڵاتی روویدا و بە چەقۆ لە یەکیانداوە.

باسی لەوەش کرد، سێ كەس لە شەڕەكە بریندار بوون و برینی یەکێکیان سەخت بوو، شەڕەکە لەسەر ماتۆڕ بووە و یەکێکیان بەوی دیکەیانی وتووە ماتۆڕەكەی لێ بردووە.

لەسەر ئەم بابەتە پەیوەندیمان کرد بە پۆلیسی سلێمانییەوە، بەڵام وەڵامی پەیوەندییەکەیان نەداینەوە.

پێداچوونەوە: ئەرسەلان عەبدوڵا

زانیاری زیاتر لەسەر شەڕەچەقۆکەی سلێمانی