هەولێر فێستیڤاڵێکی یەک هەفتەیی بۆ سەری ساڵ ساز دەکات

964+

ژێوار خدر

هەولێر گەورەترین فێستیڤاڵ بەبۆنەی سەری ساڵەوە ساز دەکات، کە حەوت رۆژ بەردەوام دەبێت، شارەوانییش داوا لەو هاوڵاتییانە دەکات کە ئارەزوو دەکەن بەشداری لە فێستیڤاڵەکەدا بکەن بە هەر جۆرە چالاکییەک بێت، رۆژی یەکشەممە سەردانیان بکەن.

فێستیڤاڵەکە لە 25.12.2024 کە دەکاتە رۆژی چوارشەممە، دەستپێدەکات و تا 2.1.2025 بەرەوام دەبێت

ئەمڕۆ پێنجشەممە 19.12.2024 سەرۆکایەتیی شارەوانیی هەولێر رایگەیاند، بە بۆنەی سەری ساڵی نوێیەوە فێستیڤاڵێکی گەورە لە بەردەم پارکی قەڵای هەولێر رێکدەخەن.

دەشڵێت، هەر هاوڵاتییەک ئارەزووی بەشداریکردنی هەیە لە فێستیڤاڵەکەدا بە هەر جۆرە چالاكییەک لە جۆرەكانی: خواردنی کوردەواری، خواردنی بیانی، کاری دەستی و چالاکی هونەری و هەر بابەتێکی دیکە، پێویستە رۆژی یەکشەممە 22.12.2024، لە کاتژمێر 9:00ـی بەیانییەوە تا 12:00ـی نیوەڕۆ سەردانی بینای سەرۆکایەتیی شارەوانیی هەولێر بکات بۆ وەرگرتنی شوێنی چالاکی.

ئاماژەیان بەوەش کردووە، بەشداربوو پێویستە بڕوانامەی کار، مۆڵەتی تەندروستی، نموونەی کاری هاوشێوە لەگەڵ خۆیدا ببات.

هەولێر ئامادەکاری کریسمس و سەری ساڵی دەستپێکرد