دیمەنی ئەو دورگەیەی ئیتالیا کە یەختەکەی لێ نوقم بووە.وێنە. سەرچاوەکانی سۆشیال میدیا
خەڵکی پشدەرە
یەختێکی کۆچبەران لە ئاوەکانی ئیتالیا نوقم بووە و کۆچبەرێکی کورد خنکاوە
964+
توانا نەقی
لە دوێنێوە یەختێکی کۆچبەر لە لیبیاوە بەرەو ئیتالیا بەڕێوکەتووە و بەرەبەیانی ئەمڕۆ لە نزیک دورگەیەکی ئیتالیا نوقم بووە و کۆچبەرێکی کورد خناکاوە و گیانی لەدەستداوە.
سەرچاوەیەکی ئاگادار لە رووداوەکە لە ئیتالیاوە بە 964ـی راگەیاند، یەختەکە دوێنێ لە لیبیا دەرچووە و کاتژمێر 3 بۆ 4ی بەیانی ئەمڕۆ 19.12.2024 لە دورگەی لامپادۆسای وڵاتی ئیتالیا نوقم بووە.
وتیشی، یەختەکە نزیکەی 115 کۆچبەری تیادا بووە و 10 کۆچبەریان خنکاون بەشێکیان کوردی هەرێمی کوردستان بوون و لە ناویاندا یەکێکیان کە خەڵکی پشدەرە خنکاوە و گیانی لەدەستداوە.
ئەو سەرچاوەیە ئاماژەی بەوەشکرد، ئەو کۆچبەرانەی کە رزگاریان بووە گەڕێندراونەتەوە لیبیا و لێکۆڵینەوەیان لەگەڵ دەکرێت لەسەر رووداوەکە و هۆکاری نوقمبوونی یەختەکەیان.
