دیمهنێكی كاتى كۆكردنه‌وه‌ى به‌فره‌كه ... وێنه: ئەحمەد ئەدنی له سۆشیال میدیای عەشیرهتى بەرواری
هه‌ر ساڵێك به‌فر زۆر ببارێت ئه‌و كاره ده‌كه‌ن
له شاخێكی كانى ماسی هاوڵاتیان به نه‌ریتى جاران به‌فر بۆ هاوین داده‌پۆشن
964+
فه‌رهاد حه‌سه‌ن
له گوندێكى ناحیه‌ى كانى ماسی، هاوڵاتیان له‌ناو قه‌دى شاخێك ده‌ست به كۆكردنه‌وه‌ى به‌فر و دایده‌پۆشن بۆ ئه‌وه‌ى له هاویندا بۆ ساردنى خواردنه‌وه‌كان به‌كاری بهێننه‌وه.
شاخه‌كه كه‌وتووه‌ته سنوورى گوندى ئوره له ده‌ڤه‌رى به‌رواری، كه دوایین گونده له سنوور و ئه‌مدیو و ئه‌ودیوى شاخه‌كه هه‌رێمی كوردستان و وڵاتى توركیا، به‌یه‌كه‌وه ده‌به‌ستێته‌وه.
رێدیر به‌روارى هاوڵاتییه‌كى ئه‌م گونده به 964ـى وت، ساڵانه هاوڵاتیان به‌شێوه‌ى هه‌ره‌وه‌زى ئه‌م كاره ده‌كه‌ن و زۆرجارانیش هاوڵاتیانى گونده‌كانى دیكه‌ش هاوكاریان ده‌بن.
وتیشی “وه‌كو نه‌ریتی جاران دواى كۆكردنه‌وه‌ى، به‌فره‌كه به پووش و په‌ڵاش و لقی داره‌كان دایده‌پۆشن تاوه‌كو وه‌رزى هاوین ده‌ستپێده‌كات”.
هه‌موو ساڵێك ئه‌م هاوڵاتیانه ناتوانن ئه‌م كاره بكه‌ن به‌تایبه‌تیش ئه‌و ساڵانه‌ى به‌فرێكی كه‌م ده‌بارێت ناتوانن وه‌كو پێویست بڕێكى زۆر كۆبكه‌نه‌وه.
