هەواڵەکان
موچە دابەش دەکرێت و دابەشکردنی زەوییش لە چوارقوڕنە کێشەی تێکەوت
+964
ژووری هەواڵ
وەزارەتی دارایی لەسەر موچە هاتە قسە و رۆژی سێشەممە دەست بەدابەشکردنی موچەی مانگی 10 دەکات و دەشڵێت، بە هیچ شێوەیەکی دەستبەرداری مافەکانی موچەخۆران نابین.
سێشەممە موچەی مانگی 10 دابەش دەکرێت
نەبوونی موچە درێژەی بە بایکۆتداوە لە سنووری سلێمانی و کەرتی تەندروستیشێ گرتووەتەوە، ئەوەتا دوو رۆژە نەخۆشخانەی مناڵبونی سلێمانی بایکۆتە و کارمەندەکانیان ئەمڕۆ لەبەردەم نەخۆشخانەکە داوای موچەیان دەکرد و دەڵێن بەبەریەوە ناماوە و یەک نەخۆشیش نابینن.
خاوەن پێدایستیەکان لە سەر شەقام کورسییان داناوە و گردبوونەتەوە
بایکۆتی نەخۆشخانەی منداڵبوونی سلێمانی بەردەوامە
هیشتا زەوی دابەشنەکراوە کێشەی شوێنی تێکەوتووە نزیکەی دوو هەزار دۆنم زەوی لە سنووری شارەوانیی چوارقوڕنە دابەش دەکرێن بەسەر فەرمانبەراندا، خاوەن زەوییەکانیش گردبوونەوە و ناڕازین داواکارن ئەوبڕیارە هەڵبوەشێتەوە.
خاوەن زەوییەکانی چوارقوڕنە لێناگەڕێن موڵکەکانیان بدرێت بە فەرمانبەران
کۆمەڵێک لەو هاوڵاتییە کوردانەی داوای پەنابەرییان لە حکومەتی بەریتانیا کردووە و داواکەیان رەتکراوەتەوە، سبەی دووشەممە لە لەندەنی پایتەخت و لەبەردەم پەڕلەمان گرددەبنەوە.
