وێنەى کاتى تێکردنى نەوت لە بەرمیلێک
بێبەرامبەر
کۆمپانیایەک نەوتى سپى بۆ 110 قوتابخانەى دهۆک دابین دەکات
964+
وریا فەتاح
کۆمپانیایەکى کەرتى تایبەت بەبێ بەرامبەر 110 قوتابخانەى دهۆک گەرم دەکاتەوە و نەوتى سپیان بۆ دابین دەکات.
پارێزگاى دهۆک بڵاوى کردەوە، وەک پاڵپشتییەک بۆ کەرتى پەروەردە کۆمپانیاى مەتین لە چوارچێوەى کارە خێرخوازییەکانى، نەوتى سقى بۆ 110 قوتابخانەى ناو شارى دهۆک دابینکرد.
وەک باسى کردووە هەریەک لە قوتابخانەکان بڕى 200 لیتر نەوتیان پێدراوە.
مەتین سلێمان، خاوەنى کۆمپانیاى مەتین لە بارەى ئەو کارەوە وتویەتى،،”وەرزى زستان و سەرمایە، پێویستە قوتابیان گەرم ببنەوە و ئەوەى ئێمەش کردوومانە ئەرکێکى سەرشانمانە کە بەرامبەر پەروەردە و خەڵکى خۆمان جێبەجێمان کردووە”.
داواشى کرد کە کۆمپانیاکانى دیکە لە سنوورى دهۆک هەمان ئەرک جێبەجی بکەن و قوتابخانە و خەڵکى کەمدەرامەت لەبیر نەکەن.
