وێنەی دەستگیر کراوەکان. فۆتۆ: پۆلیسی هەولێر
تەقەیان کردووە
دوو کەس لەسەر بریندارکردنی هاوڵاتییەک دەستگیر کران
964+
ژووری هەواڵ
دوو کەس لە هەولێر لەسەر تەقەکردن و بریندارکردنی هاوڵاتییەک دەستگیر کران، پۆلیس دەڵێت، لەسەر کێشەیەکی بچوک تەقەیان کردووە.
ئەمڕۆ چوارشەممە 11.12.2024، پۆلیسی هەولێر رایگەیاند، دوو تۆمەتباری دەستگیر کرد، کە لەسەر کێشەیەکی بچووک هەڵسابوون بە تەقەکردن و لە ئەنجامدا کەسێک بریندار ببوو.
تۆمەتبارەکان دانیان بە تاوانەکەیاندا ناوە و بە بڕیاری دادوەری لێکۆڵینەوە و بەپێی مادەی 405 – بڕگەی 31 لە یاسای سزادان، راگیراون و لێکۆڵینەوەش لەگەڵیاندا بەردەوامە، پۆلیس وا دەڵێت.
پۆلیسی هەولێر داوش لە هاوڵاتیان دەکات، “لەکاتی کێشە و بوونی رووداوە نەخوازراوەکاندا، هەرگیز پەنا بۆ بەکارهێنانی چەک نەبەن، بەڵکو بۆ یەکلاییکردنەوەی کێشەکانیان لە رێگای یاساوە، پۆلیس ئاگادار بکەنەوە”.
