بوومەلەرزە خانەقینییەکانی خەبەرکردەوە
964+
راژان مەجید – خانەقین
بەرەبەیانی ئەمڕۆ شه‌ممه، 4ـی كانوونی دووه‌م، بوومەلەرزەیەكی بەهێز لە قه‌زای خانەقینی دا و خەڵكی شارەكە بە ترسەوە بە خەبەر هاتن.
بومه‌له‌رزه‌كه كاتژمێر 5:45 خولەكی بەیانی، بە گوڕی 4.7 پله لە خانەقین و دەوروبەری داوە و تا ئێستا هیچ زیانێكی گیانی و ماددی تۆمار نەكراوە.
بە پێی زانیارییە سه‌ره‌تاییه‌كان، كه ده‌ست تۆڕی 964 كه‌وتووه، سەرچاوه‌ی بوومەلەرزەكە لە وڵاتی ئێرانه‌وه بووە و بە دیاریكراوی لە سەرپیلی زەهاوی سەر بە پارێزگای كرماشان، كە هاوسنووری خانەقینە.